第二十六回 真本事耳际夜闻声　假好人眉间春动色

按：杨家(女每)道：“就是苏冠香哉囗，说拨新衙门里捉得去哉。”陈小云矍然道：“苏冠香阿是宁波人家逃走出来个小老母？”杨家(女每)道：“正是。逃走倒勿是逃走，为仔大老母搭俚勿对，俚家主公放俚出来，教俚再嫁人，不过勿许做生意。故歇做仔生意了，家主公扳俚个差头，难末我孙囡末，刚刚来里苏冠香搭做娘姨，阿要讨气！”庄荔甫道：“耐孙囤阿有带挡？”杨家(女每)道：“原说呀。要是掮洋钱个，故末有点间架哉。像倪阿有啥要紧，阿怕新衙门里要捉倪个人。”李鹤汀道：“苏冠香倒标煞个，难末要吃苦哉。”杨家(女每)道：“勿碍个。听说齐大人来里上海。”洪善卿道：“阿是平湖齐韵叟？”杨家(女每)道：“正是。俚哚一家，就是苏冠香搭齐大人讨得去个苏苹香是亲姊妹，再有几个才是讨人。” 庄荔甫忽然想起，欲有所问，却为吴松桥、张小村两人一心只想碰和，故意摆庄豁拳，叉断话头。等至出局初齐，张小村便怂恿陈小云碰和。小云问筹码若干，小村说是一百块底。小云道：“忒大哉。”小村极力央求应酬一次，吴松桥在旁帮说。陈小云乃问洪善卿：“我搭耐合碰阿好？”善卿道：“我匆会碰末，合啥嗄？要末耐搭荔甫合仔罢。”小云又问庄荔甫，荔甫转向施瑞生道：“耐也合点。”瑞生心中亦有要事，慌忙摇手，断不肯合。 于是陈小云、庄荔甫言定输赢对拆，各碰四圈。李鹤汀道：“要碰和末，倪酒（要勿）吃哉。”施瑞生听说，趁势告辞，仍和陆秀宝同去。张小村不知就里，深致不安，并恐…