第一百六十四回　逼残年倌人借债　丧良心小子探囊

第一百六十四回 逼残年倌人借债 丧良心小子探囊 且说金姐见沈二宝羞得面红过耳，二十四分的不好意思，便剪住了话头不说下去。停了一停方说道：“二小姐，耐勿要见气哩，倪是不过望耐生意好点，大家有点好处，实格洛劝劝耐。等耐心浪明白点，倘忙耐要见气起来，格是倪下转连搭仔口才勿敢开格哉。二小姐，耐想倪格闲话阿对？”沉二宝红着脸道：“妩姆格闲话，说到仔洛里搭去哉！妩姆搭倪讲格，才是好闲话。倪归格辰光，煞死勿肯听妩姆格闲话，故歇弄得实梗样式。早点听仔妩姆格闲话，也勿操至于实梗格样式。故歇倪也呒说法格哉，只好拿前头格事体一塌刮仔才丢脱，赛过呒拨实梗格事体。到仔开年，规规矩矩，一心一意做生意。倘忙生意好点，也是妩姆照应仔倪一场，总算韵落空。妩姆刚刚搭倪讲格闲话，倪一句一句才记来里心浪向。故歇除脱仔妩媳，再有啥人肯搭倪说格号闲话呀。”金姐听了拍手道：“难末二小姐耐明白哉！倪说耐实梗一个明白人，洛里会实梗胡涂？耐真正肯拿从前格事体丢脱仔，一心一意做生意，格是定规做得好格，几千洋钿格债啥格希奇！” 说到这里，便又故意作难道：“故歇别样事体才缎去管俚，倒是耐要借洋钿，真生活。”说着又屈着指头算了一算道：“房饭账搭仔菜钿，算俚七百，再有四百洋钿借头，故歇过年格辰光，洛里去借啥洋钿？要借洋钿，要末到中尚仁萧三大搭去借，不过利钿重得野笃。”沉二宝到了这个时候，那里还管什么利钱重不重，就是要他对本对利，他也没有什么不…