第六十八回　花彩云有意骗痴郎　王太史两番逃爱宠

第六十八回 花彩云有意骗痴郎 王太史两番逃爱宠 且说花彩云和王太史两人扭作一团，揉成一块。王太史年纪高大，那里禁得起他这等的揉搓，早已气喘吁吁，上气不接下气的说道：“你有话只顾好说，为什么要这般动手动脚？”我们读书人那有这般的气力。“花彩云见了也觉好笑，方才放松了他，口中咕噜道：”别人家才来浪说倪逃走，倪好好里格人，为仔啥格事体要逃走？格号闲话勿知啥人格杀千刀，瞎三话四说出来格，连搭仔倪自家也勿懂。 “辛修甫此时正坐在旁边，眼睁睁的只好由他去骂。花彩云又接着说道：”倪格嫁人是自家情愿格，也无拨啥人来吃牢仔倪嫁人，勿壳张里笃格挡码子，才来浪说倪格丘话，故歇索性说倪要逃走哉。耐去想嗫，倪真格要逃走末，老早走脱格哉，陆里等到故歇？格号闲话，说得阿要勿色头？再有耐格饭桶，加二来得讨气，听仔别人家一句闲话，鸡毛当仔令箭，当仔真哉！说得明明白白格事体，耐故歇翻过来勿要。耐阿晓得别样事体末好搂白相，格个嫁人格事体勿是好弄白相格。一歇说要，一歇说勿要，才是耐一干仔格花头，也无拨实梗容易啘。虽然倪做仔倌人，名气倒要紧格；耐勿要末，勿见得倪就勿嫁仔人，不过耐自家想想，格个辰光耐搭倪那哼说法，故歇为仔一句无拨对证格闲话，弄得实梗样式，倪也勿来说耐，耐问问自家格良心好哉。“ 花彩云这一席话说得有开有合，面面皆圆。王太史听了，自己回心一想，果然觉得对不起他，暗想这都是辛修甫无缘无故的造言生事，几乎离间了我的…